Nape na Byabato wameondolewa ikiwa ni chini ya wiki moja tangu Nape anukuliwe akisema angemsaidia Byabato ambaye ni mbunge wa Bukoba Mjini, kaskazini magharibi mwa Tanzania kushinda ubunge katika uchaguzi wa 2025 kwa sababu anafahamu mbinu za uchaguzi na kwamba matokeo ya uchaguzi hayategemei ‘box’ (sanduku la kura) bali yanategemea nani anasimamamia uchaguzi na kuhesabu kura.

Kauli hiyo ilikosolewa na kupingwa katika majukwaa mbalimbali yakiwemo ya mitandao ya kijamii kwa tuhuma za kukiuka misingi ya demokrasia ya uchaguzi na kuheshimu uamuzi wa wapiga kura. Hata hivyo, Nape aliomba radhi kwa kauli yake hiyo huku akisema huo ulikuwa ni utani uliodumu kwa miaka tisa tangu atoe kauli nyingine tata kwamba chama tawala CCM kingeshinda uchaguzi wa 2015 hata kupitia bao la mkono.

Nafasi ya Nape inachukuliwa na Jerry Slaa aliyehamishwa kutoka Wizara ya Ardhi na Maendeleo ya Makazi, wakati nafasi ya Byabato itakaliwa na mbunge wa Mikumi Dennis Londo.

Pia kuan Naibu Waziri mpya mwingine wa Mambo ya Nje, mbunge wa Mafinga Mjini Cosato Chumi, anayechukua nafasi ya balozi Mbarouk Nassor Mabarouk aliyetangaza mapema Jumapili kujiuzulu lakini taarifa ya Ikulu imesema atapangwa kituo cha kazi....

Bado hakuna sababu za dhahiri za kuondolewa kwa Waziri wa Mambo ya Nje, Makamba ambaye amewahi pia kuwa Waziri wa Muungano na Mazingira, pia Waziri wa Nishati. Nafasi ya Makamba sasa inachukuliwa na Mahmoud Thabiti Kombo aliyekuwa balozi wa Tanzania nchini Italia.

Katika mabadiliko hayo, Waziri mpya wa Ardhi na Makazi ni Deogratius Ndejembi ambaye awali alikuwa Waziri wa Kazi, Vijana, Ajira na wenye Ulemavu.

Aliyekuwa naibu waziri wa menejimenti ya Utumishi wa Umma, Ridhiwani Kikwete sasa anakuwa waziri kamili wa Kazi. Ridhiwani ni mtoto wa Rais wa awamu ya nne, Jakaya Kikwete.

Nafasi ya naibu waziri iliyoachwa wazi na Ridhiwani inajazwa na Deus Clement Sangu.

Kadhalika kuna uuteuzi na mabadiliko ya nafasi nyingine kwa adhi ya makatibu wakuu, wakuu wa wilaya, makatibu tawala wa mikoa na taasisi za umma.

Kwa mara nyingine, Rais Samia amewaondoa maafisa waandamzi kadhaa katika ofisi ya rais Ikulu na kuwapangia majukumu mengine.....

Club ya SOKA Manchester United ya England wako tayari kumruhusu fowadi wa Brazil Antony, 24, kuondoka kwa mkopo msimu huu wa kiangazi lakini iwapo tu klabu iko tayari kulipa mshahara wake wa £70,000 kwa wiki. (ESPN)

Kiungo wa kati wa Uhispania Sergi Roberto, 32, anajaribu kuhamia Ligi ya Preimia baada ya mkataba wake na Barcelona kumalizika. (Mundo Deportivo - in Spanish)

Crystal Palace wako tayari kutoa pauni milioni 30 kumnunua kiungo wa kati wa Arsenal na Uingereza Emile Smith Rowe, 23. (Talksport)